बतासा लुटाये देहु येही अंगने मा
सासु जो आये चरुआ धराये
चारूआ धराई वो नेग मांगे
मै झुमकी पहनाये देहु येही अंगने मा
जो तुम सासु तूनफूंन करीहो
मैं झुमकी उतार लेहु येही अंगने मा
बतासा लुटाये देहु यहीं अंगने मा...
जेठानी जो आये, लड्डू बंधाये
मैं कंगरा पहनाये देहु येही अंगने मा
बतासा लुटाये देहु यहीं अंगने मा...
ननदी जो आये छटिया धराये
मैं पायल पहराये देहु येही अंगने मा
बतासा लुटाये देहु यहीं अंगने मा...
देवरा जो आये बंसी बजाये
मैं घड़ियां उतार लेहु येही अंगने मा
बतासा लुटाये देहु यहीं अंगने मा...
सखिया जो आये सोहर गाये
मैं लड्डू बटवाये देहु येही अंगने मा
बतासा लुटाये देहु यहीं अंगने मा...
जो तुम सखियां तूनफूंन कारीहो
मैं लड्डू छुड़ाये लेहु येही अंगने मा
बतासा लुटाये देहु यहीं अंगने मा...